Que’m demoran ueit dias de congets. Totun, que m’èi tornat alugar lo mobilet. Qu’ei de mau passar-se d’aqueth utís. E, rau, tot aquerò que’m sauta a la cara...
Bústia de l’intelligifòne.
5 messatges de votz.
« E ben ! Que copas lo ton mobilet adara ? Au comissariat que m’an dit de qu’èras en congets malaudia. Que va ?
– Magret. Que credi de qu’as mau comprés. Qu’as comprés d’arrevèrs. Que t’aimi a tu. Que i a quauquarren qui’m chepicava e qu’èi a besonh de compréner. Torna’m aperar.
– Magret... Qu’avèvi arrason de mefiar-me de l’aute gahús. Que lo volèvi seguir tà susvelhà’u, pas tà amacorra-me dab eth. Dab un mes joen que tu. Colhon de qui ès... Apèra’m. Que t’èi a parlar.
– Vivant ! No’m vòs arrespóner ? Que comença d’estar sarrat ací. Que pensi que l’òmi qu’ei arribat per un ahar ligat a bèth trafic d’òbras d’art. Que’m senteishi seguida.
– Magret... Hilh de garça... Ça’i. »
SMS
Je suis un paragraphe. Cliquez ici pour ajouter votre propre texte et me modifier. C'est facile.
Que’m hèi esposcar. Qu’èi lhèu desconat. Lhèu... Lhèu pas... Qu’ei voluda partir shens diser-me teca. Perqué ? Mès que sembla totun empachalicada en bèth ahar deus lès... Que condava sus jo e jo que tumavi. Que vau anar béver un còp en aqueth bar de Pau tè... la on nadasseja lo Cauerat.