Norbèrt Castèth qu'ei un etnològue bearnés de tria. Qu'ei eth qui, passant per la shuminèia de la gendarmeria de Laruntz enregistrè lo nadau qui'vs presentam ací en tota exclusivitat.
Que viem tanben de tornar trobar un tesaur mei dens lo còfre de la soa veitura : escotatz !
Los tèxtes e los enregistraments que son, plan segur, la proprietat de mossur Castèth.
Truèla si tu'm vòs aimar
Perqué e'm dèishas gamatejar?
Que se'm seca lo beton
E la maison
Qui èri a perbocar
Que prenè faiçon
Mes adara que sòi ara pena
Que'u m'ei a despréner
Tot que se m'ei gahat
Qu'ès tu qui m'as plantat.
Pastors suspècts
Pastors suspècts, l'agent v'apèra
Que'vs van partir tau pòste au mei lèu.
S'averetz vista aquera anhèra
Qui an panada dens lo Pradèu ?
Qu'avem trobat duas costetas
E las soas lans au vòste cugeu.
Nat alibí, nada fableta
Non nse sabetz contar, quin degrèu.
Los bracelets qui vos prometen
Non son perdiu ni d'òr ni d'argent
Que son d'acèr e tà des.hèr-ve'n
Que'vs calerà demorar longtemps.
Nueit de Nadau nueit de mistèri :
Vos qu'averatz tanben un present.
Que nada lima d'eth non s'espère :
Lo pairolet que serà prudent.