Las hèitas deu comissari Magret
1997 – « Zocalfar » - Ua hèita deu comissari Magret - roman comico-policièr – Edicions Princi Negre.
2004 - "Lo Tin-Tin d'Ergé" - Edicions Institut d'Estudis Occitans - Crimis. Prèmi deu raconte policiar a La Guàrdia Piemontesa.
Qui son los personatges màgers de las hèitas deu comissari Magret ?
Enric Magret, dit Riton o Ricon. Lavedanés.
Comissari Principau de la Polícia autonomica de la region Gasconha-Dessús. Los servicis centraus que son a Tarba.
Pauleta Lamagrèra, dita Mata-Harri, lo Taulòt, la Platuisha.
Inspectora. Cohiron, pelhas negras, dentada tà encetar barraus. Enquistaira de premèras.
Anglèsa Latreta. Inspectora. En•hatilhaira. Qu'ei l'amistòia deu Comissari Magret.
Zidòra Lacrampa. Dit Zizí, lo Cauerat, lo Pair Rolèr, lo Hunlat... Inspector. Bigordan. Un borra-sopa, qu'a mans d'escassolaire, un lengatge imaginatiu, bona barra e bon còr.
Basili Carreròt. Inspector. Un lavedanés de pachorra. Com lo son pair ei senegalés qu'ei negre de pèth.
En remplaçament d'un foncionari e per mesuras d'estaubis, lo Govèrn de Gasconha Dessús que recrutè tres joens contractuaus bigordans Amandina Lesguinsalh, Luan N'Guièna, e Mostafà Ait el Amri de l'Aubadèra, dit Mos.